قاره‌مانییا ته‌پا سه‌ر مێزێ یا ڤه‌كرى ل زانكۆیا زاخۆ بدوماهیك هات

Published Date: Wednesday, 27 October 2021, 11:16

ل ڕوژا ئێکشەمبێ ڕێکەفتی ٢٤-١٠-٢٠٢١ یەکا چالاکیێن وەرزشی ل فەکۆلتیا پەروەردە، ب ئاماده‌بوونا پشته‌ڤانێن قوتابى و ماموستایان رابوو ب دەستپێکرنا قارەمانیا تەپا سەر مێزێ لسەر ئاستێ کولیژ و فەکۆلتیێن زانکۆیا زاخۆ  .

ئه‌ڤ قاره‌مانییه‌ بۆ ماوه‌یێ چوار رۆژان ب پشكدارییا 53 قوتابییان ژ هه‌مى كۆلیژ و فه‌كۆلتییان به‌رده‌وام بوو ل دوماهیكێ ب ئاماده‌بوونا سه‌رۆكێ زانكۆیا زاخۆ دكتۆر (ناظم سلیمان عبدالعزیز) پشتى بزاڤا هه‌مى یاریكه‌ران بۆ سه‌ركه‌فتنێ ده‌رئه‌نجام یاریكه‌رێ كۆلیژا كارگێرى و ئابوورى (زكرى) و قوتابیێ فه‌كۆلتییا په‌روه‌رده‌ (هیثم) ل یارییا دوماهیكێ فه‌كۆلتییا په‌روه‌رده‌ شیا بسه‌ركه‌ڤیت ب ئه‌نجامێ 2-0. هه‌روه‌سا لسه‌ر ئاستێ كچان ژى كو 9 كچ پشكداربوون ده‌رئه‌نجام زوزان ابراهیم شیا سه‌ركه‌ڤیت و ببیته‌ قاره‌مان.